لُلٍبنآتٍ فُقٍطٌ
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 أحتاج لـ فرحتهم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دلوعة زمانها
عضوه


عدد المساهمات : 158
نقاط : 5990
تاريخ التسجيل : 15/02/2010

مُساهمةموضوع: أحتاج لـ فرحتهم   الأربعاء فبراير 17, 2010 4:27 am



و جا الفرح !
بس ..
" بالـ هون يا مستعجله " !
باقي هُم ..
ما للفرح طعم من دونهم !

نفقتدهم .. فـ نفتقد طعم الفرحه معهم ،
اممم لأ ما افتقدناهـ ، الفرحه موجودهـ و لها طعمها بس ماصخ حيييييل


أسباب الفرح كثيرهـ ،
ما نجهلها أكيد ، و ما يحتاج نعدد
لقاء أحبه ، نجاح ، تخرج ، حب أشخاص ، مشاركة فرح
و مهما تعددت الأسباب ، إلا إن الشعور واحد ! بس تتفاوت درجته !
يعني فيه فرحه تكتفي بـ
ابتسامه !
و فرحه ما تكتفي حتى بـ
غسيل العيون

فرحتنا لـ وحدنا ، و بيننا و بين نفسنا تكفي في أحيان كثيرهـ !
بس فيه أحيان أكثر ،
نحتاج لـ فرحتهم !
لـ درجة إننا نفتقد طعم الفرحه من فقدنا لهم ...




خالاتي
4 سنوات و زيادهـ ، و الجرح هو الجرح كأنه أمس !
وقت الأعياد نهرب نعيّد في مكان بعيد يمكن نحس بـ شي زي هالناس !
نحس .. بس ماصخ وناقص شي !

الموهم ،
أنـا بعدكم تخرجت .. و ما باركتوا لي و سامحتكم !!
و انخطبت .. و خونتوا فيني و سامحتكم !!
بس قولي لي مين يزفني بـ
الأبيض؟ مين يعدل لي فستاني و أنا أمشي ؟
من يرافقني يومها و يسحب ع العرس بمن فيه ، ترى محد وعدني إلا
أنتي !
وين أنحاش يومها عشان أحس بـ شي حتى لو ماصخ
عزمت كل من له عرق فيك ، أقص على نفسي يمكن تحنين و تجين !
و يا ليتك تجين و إلا تاخذين طيفك عن وجهي !
حلفت ما يصير عرس أنتي مو فيه ، بس محد طاوعني

خالاتي
همّي الليله
تجين ، من أرض و إلا من سمـا !


إبراهيم ( قرنـاس)
يا أطهر من مشى على هالأرض



شوف !
هذا مسجك !! أنا توصيت فيه و جيتني تركض تبشرني تقول طار فيه الدكتور و عادهـ مليون مرهـ و كشخت على العالم
و أنت وعدتني ! و يا ليتك تصير قد كلمتك
طيب تذكر لما كنت ع فراش التعب ، قلت تكفين لا تأجلون عرسكم عشاني ..
أبي
أزفك ، و قطع كلامك ونة وجع طالعه من كل قلبك ؟
تصور محد راح يزفني بعدك !
و تصور إني أجلت كل شي سنه كامله ، على أمل ترجع و إلا أنا أسلى
بس كلمتك ترن بإذني
أمانه أرجع زفني و روووح عشان أقدر انبسط يومها !
طيب تذكر لما كنت أنشب لك طفشانه بطلع و تقول الله يعين ع تجهيزك بتلاقين سبب و تنشبين لي عدل ؟
ارجع و ربببببي ما عاد انشب لك بـ شي ، أنت أرجع و أنا أحنطك في بيتنا منظر بس ما تغيب و أشتاقك هالشوق كله !
حلفت ما يصير عرس ما تزفني أنت فيه ، و لا أحد طاوعني
رفضت الزفه إلا معك ، و لا أحد طاوعني

برهوم
بس أبيك
" الليله " يمّي ، لو الأماني ممكنه !


غلاهم
مكانك كبير في قلبي و أكبر في يومها
يارب إنك تصيرين أحسن مني ، و لا تخليني أنتي بعد !
يارب تصير المعجزهـ و أشوفك في وجهي يومها
أنت ِ تدرين حتى لو غبت ِ موجودهـ معي بـ قلبك في قلبي !
و مع هذا ،
أحتاج لـ فرحتك


هامش ..

يارب خذ كل شي و عطني هـ الحاجه ..
خـذ كل حلو السنين و أهدها " أمـي "





-هل كانت فرحاتكم تحتاج لـ شوية طعم ؟!
سولفوا




* قلم مبتدئ و بعونف ، و كلام شبه ارتجالي :s

* اعتبروها فضفضه أكثر من إنها موضوع كامل :$
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عذبة كلام@
الإدآرـہ
avatar

عدد المساهمات : 169
نقاط : 5854
تاريخ التسجيل : 16/02/2010
العمر : 27

مُساهمةموضوع: رد: أحتاج لـ فرحتهم   الأربعاء فبراير 24, 2010 3:46 pm

ياااااااااااااقلبي عليك

عووووووووورتي قلبي بهالكلام

الصراحه من بعد كل هالفضفضه


مابقى اي كلام اقوله

قلمي وقف باعجاز كامل

تحياتي لك يالغلا


عذبة كلام
@
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أحتاج لـ فرحتهم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مٌنُتٌدُى بـٍنآتٍ كـٍُوٍوٍلٌ :: •/\ لَمسَآت العَام /\• :: .•[ اّلقِسم العًام ]•-
انتقل الى: